FOTO/Blerand Ramadani: Ne nuk udhëheqim me laps mbi hartë, por me këmbë në terren dhe sy te realiteti!
Kandidati për kryetar të Komunës së Sarajit, Blerand Ramadani, ka prezantuar qasjen e tij për një qeverisje ndryshe, të afërt me qytetarin dhe të bazuar në realitetin e përditshëm të banorëve të Sarajit.
Në një deklaratë publike, Ramadani ka theksuar se qeverisja e tij nuk do të jetë burokratike apo e mbyllur në zyra, por aktive dhe në shërbim të drejtpërdrejtë të qytetarëve.
“Ne nuk udhëheqim me laps mbi hartë, por me këmbë në terren dhe sy te realiteti!”, ka shkruar ai, duke nënvizuar përkushtimin për një administratë që zgjidh problemet aty ku ato ndodhin.
Nga ana tjetër, sipas sondazheve të fundit, Blerand Ramadani shihet si favorit i qartë në garën për kryetar të Komunës, me një epërsi të bindshme ndaj kandidatit të koalicionit Vlen. Kjo epërsi është interpretuar si pasojë e fushatës së tij dinamike, takimeve të shumta me qytetarët dhe një vizioni të qartë për zhvillimin e Sarajit.
