Zhvillimet në “Higjienën Komunale”, Qeveria qëndrimet e Arsovskës i vlerëson si frustrime personale

Qëndrimet e Danella Arsovskës lidhur me zhvillimet në Higjienën Komunale ku nga paraburgimi dha dorëheqje drejtori Sabahudin Rustemi, Qeveria i vlerëson si frustrime personale. Ata kujtojnë që sipas ligjit, Qyteti i Shkupit e ka për obligim të sigurojë funksionim të rregullt të ndërmarrjeve publike nën kompetenca të saj. Në rast të çdo pakujdesie eventuale, obstruksioni ose mosplotësimi të obligimit, Qeveria rikujton Arsovskën për përgjegjësi juridike dhe institucionale. Në rast të ngërçit institucional, nga Qeveria theksojnë se ekzistojnë mekanizma me të cilat mund të veprojnë me qëllim të sigurohet funksionimi normal i ndërmarrjes dhe të parandalohet rreziku ndaj shëndetit të qytetarëve. /Alsat.mk