Kënga e reperëve izraelitë bën thirrje për vdekjen e Dua Lipas
AA
Dy reperë izraelitë, një djalë dhe një vajzë, në këngën e tyre “Harbu Darbu” bëjnë thirrje për vdekjen e këngëtares me origjinë shqiptare, Dua Lipa dhe modeles së njohur Bella Hadid, duke i bërë “përgjegjëse” për sulmet e Hamasit që ndodhën më 7 tetor, raporton Times të enjten.
Kënga ka marrë më shumë se 18 milionë shikime në YouTube, dyfishi i popullsisë së Izraelit, që nga publikimi nëntorin e vitit të kaluar. Kënga quhet si “kolona zanore jozyrtare e luftës në Gaza”, ndërsa reperja Ness dhe reperi Stila përmendin në hebraisht një listë të njerëzve që ata thonë se janë “përgjegjës për sulmet e Hamasit”.
“Çdo qen do ta marrë atë që meriton”, thonë reperët në këngë, duke përmendur Hassan Nasrallahin, liderin e Hezbollahut, Mohammed Deifin, udhëheqësin e Brigadave të Hamas Al-Qassam dhe Ismail Hanin, presidentin e krahut politik të Hamasit.
Ndërsa hidhen në turmë dhe i tregojnë kamerës gishtin e mesit, reperët përmendin gjithashtu persona të famshëm që i konsiderojnë po aq përgjegjës për sulmet për shkak të qëndrimit të tyre kundër luftës. “Lista e zezë” e tyre përfshin këngëtaren Dua Lipa, modelen Bella Hadid dhe ish-yllin e filmave për të rritur, Mia Khalifa – duke përsëritur se “çdo qen do ta marrë atë që meriton”.
Dor Soroker, reperi me emrin artistik Stila, mbrojti tekstin dhe të drejtën e izraelitëve për të kritikuar Dua Lipan dhe Bella Hadidin, të cilat bën thirrje për armëpushim në Gaza.
“Ato nuk mbajnë armë fizikisht, por fjalët e tyre janë shumë të fuqishme. Përhapja e gënjeshtrave është e rrezikshme. Po sikur lajmet e tyre të rreme frymëzojnë njerëzit të vrasin hebrenjtë? Është shumë e ngjashme me atë që Nasrallah po bën në fjalimet e tij”, ka thënë ai në një intervistë së fundmi.
Kënga “Harbu Darbu” i dedikohet disa prej brigadave më të famshme të Forcave të Mbrojtjes të Izraelit (IDF), duke përfshirë njësitë Givati, Golani dhe Kfir.
“Një, dy, gjuaj”, thërrasin reperët gjatë këngës.
Tekstet e këngës përmendin premtimin se nuk do të ketë falje për sulmin e 7 tetorit dhe se çdo bombë që bie në Gaza do të mbishkruhet me emrin e dikujt, për t’u hakmarrë për vdekjen e tyre.
Lufta mes Izraelit dhe Hamasi nisi më 7 tetor, ku grupi ekstremist palestinez sulmoi një pjesë izraelite. Që atëherë, janë shkaktuar mijëra viktima, veçanërisht në anën e palestinezëve.
(VIDEO) Qytetarët përgatiten për Bajram, shtohet kërkesa për
Me afrimin e festës së Bajramit, qytetarët tashmë kanë filluar përgatitjet për ta pritur këtë festë të rëndësishme fetare në
(VIDEO) Gashi i përgjigjet Kostadinovskit: Secili të shohë
Kryeparlamentari Afrim Gashi bënë apel për kujdes në deklarata, sidomos kur bëhet fjalë për çështje etnike, referuar deklaratave të kryetarit
(VIDEO) Një vit nga tragjedia në Kocan, familjarët
Një datë që duhej të mbetej një numër i zakonshëm në kalendar, sot është shndërruar në përvjetor të një dite
