Derbi spektakolar në Strugë pa fitues, por me katër gola
Pa fitues, por me katër gola të shënuara, u mbyll derbi i javës së 20-të në Ligën e Parë Futbollistike të Maqedonisë, në mes skuadrave të Struga Trim Lumit dhe FC Shkupit.
Vendasit nuk konvertuan penaltinë në minutat e para të takimit, mirëpo në pjesën e dytë, Bunjamin Shabani solli epërsi për Struga Trim Lumin, para se Emanuel Groner të barazojë shifrat në 1-1. Vendasit sërish kaluan në epërsi me Radeskin, ndërsa Shkupi u përgjigj me mbrojtësin Ratuvbaje, në minutën e 74-të.
Të dielën zhvillohen 5 takimet e tjera, ku Shkëndija përballet me Gostivarin, Voska Sporti sfidon Sileksin dhe Brera Strumica takohet Makedonija Gjorçe Petrovin. Ndërkohë Tikveshi dhe Vardari, në terrenin vendas, do të përballen me Rabotniçkin, respektivisht Bregallnicën. Të gjitha takimet do të nisin në orën 14.00.