Verstapen: Kjo makinë bën gjithçka që dua, më e mirë se e vitit të kaluar
Makina austriake nuk ishte më e shpejta në pistë në testet e Bahrein, por kjo edhe për faktin se nuk përdori gomat e buta. Tre herë kampioni i botës, duke vazhduar analizën e tij të testeve, theksoi se nuk kishte punuar për të kërkuar xhiron e shpejtë.
“Në përgjithësi testet ishin shumë pozitive. Ne u fokusuam në periudhat e gjata për të kuptuar më mirë makinën dhe ishte mirë të shihje se performanca e makinës ishte shumë e fortë. Ne vendosëm të mos fokusohemi në kohën e shpejtë të xhiros, por të provojmë pjesë të ndryshme, kështu që jam i kënaqur me xhirot që bëmë”, tha Verstappen.
“Në funksion të fundjavës së garës, ka të bëjë me rregullimin e makinës dhe të shohim se çfarë na ofron gara kur e shtyjmë makinën në kufi. Tani duhet të analizojmë më mirë të dhënat dhe të përpiqemi të nxjerrim një plan për javën në vazhdim”, u shpreh holandezi.
“Testet ishin shumë pozitiv dhe ne mësuam shumë nga të gjitha ndryshimet që bëmë, kështu që mezi presim këtë fundjavë kur të zhvillohet gara e parë sezonale”, tha Verstappen, duke paralajmëruar rivalët se edhe këtë vit mund të jetë i pakapshëm.
