Herolinda Ramadani, shqiptarja e përzgjedhur mes 200 mijë aplikantëve për bursën prestigjioze turke
Shqiptarja përzgjidhet mes 200 mijë aplikantëve, fiton bursën shtetërore turke për Master
Shqiptarja Herolinda Ramadani është përfituese e bursës shtetërore Türkiye Scholarships (YTB) 2026, për studime Master në Marrëdhënie Ndërkombëtare në Universitetin Marmara në Stamboll.
Ramadani është përzgjedhur pas procesit të aplikimit dhe intervistimit, në një program ku këtë vit kanë aplikuar rreth 200 mijë persona nga 164 shtete, ndërsa rreth 5 mijë kandidatë janë përzgjedhur.
Para fillimit të studimeve Master, ajo do të ndjekë edhe programin e gjuhës turke në kuadër të bursës.
Ramadani ka përfunduar studimet Bachelor në Studime Evropiane dhe Ndërkombëtare në Universitetin “Nënë Tereza” në Shkup, me mesatare 9.07/10.
Gjatë viteve të fundit, ajo ka qenë e angazhuar në institucione publike, projekte dhe iniciativa në fushën e politikave publike dhe marrëdhënieve ndërkombëtare.
