Policia arreston hajnat e pyllit në Mitrovicë
Policia e Kosovës ka arrestuar dy persona të dyshuar për vjedhje të drunjve në pyll, në fshatin Selac të Mitrovicës së Jugut.
Rasti ka ndodhur më 28 shtator 2026, rreth orës 00:35, pasi stacioni policor- jugu në Mitrovicë kishte pranuar informatë se disa persona po vidhnin dru në një zonë pyjore në fshatin Selac.
“Policia në stacionin policor-jugu- Mitrovicë më 28 shtator 2026, rreth orës 00:35 kishte pranuar informatën se në fshatin Selac disa persona janë duke vjedhur drunjë në pyll. Njësia policore ka hasur në dy persona me një kamion me drunj. Të dytë personat e dyshuar janë shoqëruar ne stacionin policor, ku edhe është njoftuar Agjencia e Pylltarisë, që i kanë konfiskuar drunjt e vjedhur dhe janë dërguar në objektet e agjencisë për konfiksim.
Të dyshuarit pas procedurave të intervistimit, me urdhër të prokurorit janë liruar në procedurë të rregullt ndërsa ndaj tyre është iniciuar rasti për veprën penale ,,Vjedhje e pyllit’’”, thuhet në njoftimin e policisë
