Gjergjaj: Hendbolli në Kinë është më i fortë se sa që e kishim në këtë turne

Kombëtarja e Kosovës në Hendboll për grupmoshat U18 ka shënuar një sukses historik. Ato kanë siguruar kualifikimin për në Kampionatin Botëror të Hendbollit që zhvillohet këtë vit në Kinë Kjo është hera e parë që kjo gjeneratë arrin të kualifikohet në këtë kompeticion kaq të rëndësishëm të hendbollit në botë.

Për kapitenen e skuadrës, Sara Gjergjaj, puna e vështirë fillon tani. Ajo ka thënë se duhet nisur punën menjëherë në mënyrë që në Botërorin e Kinës Kosova ta paraqitet sa në fuqishme përballë kundërshtarëve.

“Ne vetëm po duam të japim sa më shumë që të mundemi. E dimë vet se jemi pak se hendbolli që është në Kinë është më i fortë se sa që e kishim në këtë turne, është hendbolli i Evropës, hendbolli më i miri, por prapë se prapë do të ushtrojmë sa më shumë sepse do të jemi në Kinë dhe të japim sa më shumë që mundemi dhe ta luajmë lojën sikur dimë”, nënvizoi Gjergjaj.

I kënaqur me suksesin e vashave të Kosovës U18 u shpreh edhe presidenti i Federatës së Hendbollit të Kosovës, Eugen Saraqini.