Tragjedi në Kondovë, 38-vjeçari humb jetën nga rryma elektrike gjatë punës në ndërtim
Një ngjarje tragjike ka ndodhur sonte në Kondovë të Shkupit, ku një 38-vjeçar nga Studeniçani ka humbur jetën si pasojë e goditjes nga rryma elektrike, teksa po punonte në një objekt ndërtimor.
Sipas informacioneve paraprake viktima ka pësuar goditje elektrike gjatë kryerjes së punimeve në objekt.
Rrethanat e plota të aksidentit ende nuk janë bërë të ditura. Priten informacione shtesë nga autoritetet kompetente për të sqaruar se si ka ndodhur ngjarja tragjike.
Ky aksident ka përfunduar me pasoja fatale, duke i marrë jetën 38-vjeçarit gjatë punës.
Ajo që e bën rastin edhe më shqetësues është se, sipas informacioneve paraprake, edhe më herët në afërsi të kësaj zone janë raportuar raste kur persona janë goditur nga rryma elektrike.
Ngjarja rikthen vëmendjen te rreziqet nga energjia elektrike gjatë punimeve ndërtimore dhe rëndësia e masave të sigurisë në vendin e punës.
