Agjenti i Jamalit në Barcelonë, kërkon rritje të rrogës për talentin spanjoll
Agjenti i Lamine Jamal, Horhe Mendes, thuhet se ka kërkuar një rritje të menjëhershme të pagës për sensacionin 17-vjeçar të Barcelonës. Paraqitjet mbresëlënëse të Jamalit në “Euro 2024”, ku ai shënoi një gol mahnitës dhe dha katër asistime, e kanë bërë atë një nga emrat më të kërkuar të Evropës.
Sipas gazetës katalunase “Sport”, Mendes i ka kërkuar Barcelonës të sjellë një rritje të pagës të menjëhershme, para planifikimit që ishte bërë për vitin 2026. Megjithatë, presidenti i klubit Zhoan Laporta është i gatshëm të plotësojë kërkesën e Mendes, duke njohur vlerën e jashtëzakonshme të Jamal për ekipin si brenda dhe jashtë fushës.
Klauzola aktuale e lirimit të Jamalit qëndron në 1 miliard euro, ndërsa paga e tij javore thuhet se është rreth 32,000 euro apo rreth 1.7 milion euro në vit, një pjesë e vogël e asaj që fitojnë lojtarët e tjerë të mirë si Frenki de Jong. Marrëdhënia e ngushtë e Mendesit me Laportan dhe përfaqësimi i tij i talenteve të tjerë të Barcelonës mund të kenë ndikuar në gatishmërinë e klubit për të rinegociuar kontratën e Jamalit.
Duke e shpërblyer Jamalin me një rritje page, Barcelona synon të mbajë yllin e ri dhe të njohë kontributin e tij të jashtëzakonshëm në ekip. Detajet e sakta të rritjes së propozuar të pagave mbeten të paqarta, por është e qartë se performancat mbresëlënëse të Jamal i kanë sjellë atij një rritje të konsiderueshme në pagë.
