AKI nesër hap shtabin komunal në Likovë, të pranishëm Ali Ahmeti dhe Arben Taravari

Aleanca Kombëtare për Integrim (AKI), nesër në ora 19:00 në Likovë, do të bëjë hapjen zyrtare të shtabit komunal të koalicionit AKI, si pjesë e përgatitjeve për zgjedhjet lokale të tetorit.

Në këtë ngjarje do të prezantohet lista e kandidatëve për këshilltarë komunal të koalicionit AKI por do të mbajë fjalim edhe kryetari i komunës dhe kandidai për kryetar komune, Erkan Arifi, i cili garon për një mandat të ri me mbështetjen e këtij koalicioni.

Në hapjen e shtabit do të marrin pjesë kryetari BDI, Ali Ahmeti, dhe kryetari i Aleancës për Shqiptarët (ASH) Arben Taravari. (INA)