Aksident në aksin rrugor Shëngjin-Velipojë! Shoferi humb kontrollin, përplaset me një dyqan
Një aksident ka ndodhur mëngjesin e ditës së sotme në aksin rrugor “Shëngjin-Velipojë”.
Policia ka njoftuar se shqiptari i Kosovës ka humbur kontrollin mbi mjetin dhe ka dalë nga rruga, duke u përplasur më pas me një dyqan. Të lënduar kanë mbetur ai së bashku me tre familjarët.
“Rreth orës 07:10, në aksin rrugor “Shëngjin-Velipojë”, në fshatin Rrjoll, shtetasi kosovar J. B., duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një dyqan.
Nga aksidenti janë dëmtuar drejtuesi i automjetit, shtetasi J. B., dhe 3 pasagjerë (familjarë të tij), të cilët janë dërguar për mjekim, në spital, dhe janë jashtë rrezikut për jetën”, thuhet në njoftimin e policisë.
