Alegri: Interi e meritoi vendin e parë, por ekipi nuk u ndërtua këtë vit
Masimiliano Alegri, trajneri i Juventusit, u shfaq pas ndeshjes së humbur në derbin e Italisë ndaj Interit të Inzagit, që tani shkëputet në +4 pikë dhe ka madje edhe një ndeshje më pak (atë ndaj Atalantas)
A merrni diçka pozitive nga kjo mbrëmje?
“Ishte një ndeshje e vështirë, ne e dinim, kundër një ekipi të fortë si Interi, i cili meriton vendin e parë në tabelë. Test i rëndësishëm për rrugën tonë të rritjes, vetëm shikoni pjesën e dytë, ne mund të kishim marrë 2- 0 ose te bënim 1-1, na mungonte pak qartësia ndaj një skuadre me teknikë të shkëlqyer. Në pjesën e parë rrezikuam në një kundërsulm të Turamit dhe patëm një mundësi me Vlahoviçin. Mund të përmirësoheshim, por ishte një javë e komplikuar, duhet të punojmë me qetësi për t’u rikthyer në fitore kundër Udinezes. Qëllimi ynë është të rikthehemi në top katërshen. Ne kemi pak avantazh dhe kjo humbje nuk duhet të ndryshojë asgjë në rrugëtimin tonë.”
Çfarë u tha lojtarëve të tij në fund të lojës?
“Ishte vetëm një javë ku barazuam kundër Empolit në mënyrë të guximshme, mes përjashtimit të Milik dhe një goli të pësuar mes këmbëve. Kjo ndodh në futboll. Sonte e dinim se do të ishte një ndeshje e vështirë, një ndeshje që nuk do të vendoste kampionatin. Ne duhet të përmirësohemi, por askush nuk e priste Juventusin në 53 pikë dhe prane me Interin. Nëse dikush mendon se Juventusi duhet të fitojë kampionatin këtë vit, sigurisht që ka më shumë aftësi se unë për të lexuar rrugën e një skuadre”.
Sa kohë do t’i duhet Juventusit që të jetë në gjendje të thotë se duhet të fitojmë Skudeton?
“Nuk e di, është një udhëtim në rritje. Ne jemi të dytët, le të gëzojmë vendin e dytë: Interi nuk u ndërtua këtë vit, por shumë kohë më parë. Është një udhëtim që filloi me Conte dhe është normalitet: te Juventus, vështirësia lidhet me ndryshimin e 15 lojtarëve që kur kam ardhur, nga të cilët rreth dhjetë nga viti 2000 e më tej ne ditelindje. Është një proces që duhet bërë në qetësi totale.
