Amorim: Postekoglu nën presion, por nuk krahasohet me mua
Ruben Amorim thotë se ai e simpatizon trajnerin e Totenhemit, Ange Postekoglu, por mendon se ai personalisht është nën presion më të lartë duke qenë se drejton një klub më të madh.
Mançester Junajtid aktualisht ndodhet në vendin e 13-të në tabelë, me vetëm 29 pikë, që është rekordi i tyre më i ulët i pikëve që ata kanë marrë ndonjëherë në këtë fazë të një sezoni të Premier Ligës. Ata udhëtojnë për në Totenhem sot me londinezët që qëndrojnë dy pikë pas tyre në klasifikim.
Të dy trajnerët janë nën lupë këtë sezon, por Amorim beson se është nën presion më të madh për shkak të madhësisë së klubit që ai drejton.
“Sigurisht, sepse ai është një djalë i mirë në veçanti. Ai është një trajner shumë i mirë. Ai dëshiron të luajë futboll në mënyrën e duhur, për mua kjo është një gjë pozitive. Kur zgjedhim këtë profesion ka shumë gjëra të mira, por duhet ta ndjesh presionin kur nuk fiton. Për mendimin tim, me gjithë respektin e duhur, jam në një klub më të madh me presion më të madh. E kuptoj lidhjen dhe ai është një trajner me të vërtetë i rëndësishëm që ndjek parimet e tij. Unë jam një tifoz i madh i Ange Postekoglusë. Unë jam nga një kulturë tjetër, unë jam portugez dhe të gjithë trajnerët portugezë mund të përshtaten. Unë përshtatem. Gjëja e thjeshtë është se unë përdor një sistem për momentin, sepse besoj se nëse punoni në atë sistem mund të luani në sisteme të ndryshme në të njëjtën kohë. Kjo është ideja ime. Por ne nuk po fitojmë dhe e kuptoj lidhjen mes meje dhe Anges, kemi të njëjtat probleme,” tha mes tjerash trajneri portugez te “Djajtë e Kuq”.
