Angelina Jolie u detyrua të mësonte frëngjisht për rolin e saj në filmin e ri
Angelina Jolie (49) është aktualisht e angazhuar me xhirimet e filmit të saj të ri, “Stitches”. Xhirimet po zhvillohen në Paris, dhe për rolin e Maxine në këtë film, aktorja ka qenë e detyruar të mësojë një aftësi të re – gjuhën frënge.
Filmi po realizohet në dy gjuhë, anglisht dhe frëngjisht, që do të thotë se Angelina duhet të xhirojë të gjitha skenat e saj dy herë. Ky është hera e dytë që ajo përdor gjuhën frënge në një film, pas një skene të shkurtër në filmin “Taking Lives” nga viti 2004.
Nëna e Angelinës, aktorja Marcheline Bertrand, ishte me origjinë franko-kanadeze, dhe ekziston mundësia që ajo ta ketë mësuar vajzën e saj frëngjishten e përditshme. Megjithatë, nuk dihet sa mirë e ka zotëruar Angelina gjuhën në atë kohë.
Së fundmi, aktorja ka mësuar një tjetër aftësi për një film tjetër. Në filmin biografik “Maria”, ku ajo interpreton divën e operës Maria Callas, Angelina ka mësuar këndimin operistik. Ajo e ka përshkruar këtë proces si një formë terapie.
Xhirimet për filmin “Stitches” sapo kanë filluar, dhe pritet që ai të dalë në kinema vitin e ardhshëm. Deri tani, e vetmja gjë e njohur për subjektin e filmit është se ai zhvillohet në botën e modës së lartë.
Gjithashtu, Angelina ka përfshirë dy nga fëmijët e saj në këtë projekt. Djali i saj Maddox (23) dhe vajza Zahara (19) po punojnë në setin e filmit. Maddox kishte marrë pjesë më parë edhe në xhirimet e filmit “Maria,” së bashku me vëllanë e tij më të vogël, Paxon, 20 vjeç.
Saranda Imeri – Stafaj sulmon publikisht Ermal Pandurin
Deputetja dhe artistja Saranda Imeri – Stafaj ka reaguar ashpër ndaj gazetarit dhe moderatorit të njohur të emisionit “Debat Plus”,
Arrestohet shkupjani që rrezikoi sigurinë e helikopterit policor
Më 12.08.2025, rreth orës 18:55, policia e Stacionit të Karposhit arrestoi I.A. (55) nga Shkupi, i dyshuar për veprën penale
Fetai: Gjuha jonë e punës në koalicion VLEN
Zëvendëskryeministri Arben Fetai ,njëherit një nga krerët e VLEN në intervistën për Kanal10, ka deklaruar se VLEN është futur në
