Angelina Jolie u detyrua të mësonte frëngjisht për rolin e saj në filmin e ri
Angelina Jolie (49) është aktualisht e angazhuar me xhirimet e filmit të saj të ri, “Stitches”. Xhirimet po zhvillohen në Paris, dhe për rolin e Maxine në këtë film, aktorja ka qenë e detyruar të mësojë një aftësi të re – gjuhën frënge.
Filmi po realizohet në dy gjuhë, anglisht dhe frëngjisht, që do të thotë se Angelina duhet të xhirojë të gjitha skenat e saj dy herë. Ky është hera e dytë që ajo përdor gjuhën frënge në një film, pas një skene të shkurtër në filmin “Taking Lives” nga viti 2004.
Nëna e Angelinës, aktorja Marcheline Bertrand, ishte me origjinë franko-kanadeze, dhe ekziston mundësia që ajo ta ketë mësuar vajzën e saj frëngjishten e përditshme. Megjithatë, nuk dihet sa mirë e ka zotëruar Angelina gjuhën në atë kohë.
Së fundmi, aktorja ka mësuar një tjetër aftësi për një film tjetër. Në filmin biografik “Maria”, ku ajo interpreton divën e operës Maria Callas, Angelina ka mësuar këndimin operistik. Ajo e ka përshkruar këtë proces si një formë terapie.
Xhirimet për filmin “Stitches” sapo kanë filluar, dhe pritet që ai të dalë në kinema vitin e ardhshëm. Deri tani, e vetmja gjë e njohur për subjektin e filmit është se ai zhvillohet në botën e modës së lartë.
Gjithashtu, Angelina ka përfshirë dy nga fëmijët e saj në këtë projekt. Djali i saj Maddox (23) dhe vajza Zahara (19) po punojnë në setin e filmit. Maddox kishte marrë pjesë më parë edhe në xhirimet e filmit “Maria,” së bashku me vëllanë e tij më të vogël, Paxon, 20 vjeç.
Hamza: Prej sot PDK nuk merr pjesë në
Kryetari i Partisë Demokratike të Kosovës, Bedri Hamza tha sot se Lëvizja Vetëvendosje po vazhdon me veprimet e tyre të
Në prill Kurti e donte Vlora Çitakun kryetare
> Kreu i LVV’së, Albin Kurti, në prill të këtij viti, në mungesë të votave për presidentin, kishte bërë oferta
Haxhiu fton PDK-në të vijë në sallë
Tashmë ka nisur seanca konstituive e Kuvendit të Kosovës e cila ishte paraparë të nis në ora 14:00. Në fjalën
