Ardian Ismajli nën radarin e dy ekipeve elitare të Seria A
Mbrojtësi shqiptar, Ardian Ismajli, po gëzon një formë të jashtëzakonshme te Empoli, që po vazhdon edhe nga sezoni i shkuar. Paraqitjet e tij nuk kanë kaluar pa u vënë re nga klubet e mëdha, teksa Juventusi po e sheh si një alternativë serioze për afatin kalimtar të janarit, gjë që e pranoi vet.
“Ka interes nga Juventusi, është e vështirë, por jo e pamundur, shumë shpejt do të vendosim”, deklaroi Ismajli pas ndeshjes me Ukrainën.
Por nuk është vetëm Juventusi që e do Ismajlin, pasi për të në garë është futur edhe Napoli.
“La Repubblica” shkruan se te Napoli janë bindur nga aftësitë e Ismajlit në ndeshjen që skuadra zhvilloi kundër Empolit këtë sezon. Ai e dominoi Romelu Lukakun, duke e detyrua Antonio Conte që ta zëvendësojë pas 50 minutash. Për këtë arsye, drejtuesit do të përpiqen që ta vendosin nën urdhrat e Antonio Kontes në muajin janar.
