Arteta paralajmëron tri largime të mëdha nga Arsenali
Trajneri i Arsenalit, Mikel Arteta ka folur për të ardhmen e Emile Smith Rowe, Eddie Nketiah dhe Reiss Nelson në konferencën e tij të fundit për shtyp. Pas barazimit 1-1 të Gunners (të fituar pas penalltive) me Bournemouth në një miqësore para-sezonale në Dignity Health Sports Park në Los Angeles, Arteta ka qenë i hapur për mundësinë e largimit të tre talenteve kryesore këtë verë.
Duke folur për Smith Rowe, shefi i Arsenalit tha: “Po, ka gjëra që ndodhin në sfond për momentin. Ne vendosëm se gjëja më e mirë për të bërë ishte ta mbanim atë larg lojës sot.”
Mesfushori është lidhur shumë me një kalim te Fulham ditët e fundit dhe mund të largohet nga klubi i Londrës Veriore nëse nuk i jepet shansi në ekipin e parë.
Duke folur për Nketiah dhe Nelson, ai tha: “Shumë lojtarë janë duke u lidhur me lëvizje të mundshme. Në një mënyrë apo tjetrën. Është normale. Ajo që më pëlqen shumë janë lojtarët që kemi, nivelet që ata po tregojnë. Sidomos përkushtimi, ju mund ta shihni sot vetëm duke folur për ata dy mënyrën se si ata performuan.”
Arteta është dukshëm i impresionuar nga dyshja pas paraqitjes së mëngjesit të sotëm, por është e qartë se shumë lojtarë të rinj po kërkojnë të largohen nga klubi pasi do të kishin më shumë kohë për lojë diku tjetër.
