ASH-Taravari: Ligji i ri për bixhozin është mashtrim – nuk ndalon, por e kthen në monopol shtetëror
Aleanca për Shqiptarët e drejtuar nga Arben Taravari ka njoftuar se e refuzon në tërësi narrativën manipuluese se me projektligjin e ri për lojërat e fatit dhe lojërat argëtuese do të ndalohet bixhozi në Maqedoninë e Veriut.
Sipas tyre, bixhozi nuk mbyllet, por kalon në duart e qeverisë dhe elitave të saj. Ajo ka përmendur se Neni 25 nen parashikon që kazino mund të hapet vetëm në kuadër të një hoteli me pesë yje, duke përjashtuar çdo lloj tjetër të organizimi.
“Kuptimi real i nenit do të thotë një derë e hapur për kazino ekskluzive për elitat, dhe për legalizim të larjes së parave përmes luksit, në vend të ndalimit real të bixhozit”, thekson partia. Aleanca për Shqiptarët thekson se politika të tilla shkatërrojë perspektivën e të rinjve, duke maskuar një plagë sociale si “politikë fiskale”, ndërsa krijohen kushte për larje parash, klientelizëm dhe abuzim me varfërinë.
