Bajern Munihu afër marrëveshjes me yllin e mbrojtjes së Milanit
Prej disa javësh tashmë tifozët e Bajern Munihut po presin të zbulojnë emrin e trajnerit të ri, mirëpo drejtuesit e klubit duket se kanë në fokus diçka tjetër, teksa sipas raportimeve më të fundit të prestigjiozes “Marca”, “bavarezët” janë shumë pranë mbylljes së operacionit të blerjes së Teo Hernandezit nga Milani.
Francezi është një nga anësorët e majtë më të mirë në botë dhe në verë do të largohet nga “kuqezinjtë” italian, me 26-vjeçarin që do të vazhdonte karrierën tek ekipi ku luajti për katër sezone edhe vëllai i tij Lukas Hernandez, tashmë pjesë e PSZH-së.
Mbërritja e francezit në Bavari nuk lidhet direkt me shitjen e Alfonso Dejvis te Real Madrid. Kanadezi ka edhe një vit kontratë me Bajernin, teksa e ardhmja e tij janë “Los Blankos”, me rekordmenët gjermanë kërkojnë 50 milionë euro, për ta lënë të lirë menjëherë.
