Bajerni dhe Milani në garë për mbrojtësin e Torinos
Ekipet e Milani dhe Bajern Munihut janë vënë në gjurmët e mbrojtësit 24-vjeçar italian Alessandro Buonxhiorno, që luan në Serie A me Torino. Mbrojtësi që vjet debutoi edhe me kombëtarn italiane, ka një kontratë deri në vitin 2028 me Torino dhe kushton rreth 20-25 milionë euro.
Këtë sezon, Buonxhiorno ka realizuar 3 gola në kampionat në 16 ndeshje me Torinon, duke spikatur me paraqitjen e tij.
“Kuqezinjtë” kanë kohë që e vëzhgojnë lojtarin, por së fundi edhe Bajerni ka hedhur grepat, për shkak të problemeve të shumta në mbrojtje që ka patur. Madje bavarezët kanë nisur menjëherë kontaktet me skuadrën “granata” për të siguruar lojtarin, ndërkohë që te Milani i kanë marrë gjërat disi me qetësi.
