Barcelona gati te jep para dhe futbollist për mesfushorin e Evertonit
Një nga rrugët që Barcelona do të eksplorojnë gjatë verës, përveç bërjes së shitjeve të mëdha, është ulja e çmimit të objektivave duke u ofruar lojtarë në këmbim.
Objektivi i tyre kryesor për rolin e mesfushorit aktualisht duket të jetë Amadou Onana i Evertonit. Senegalezi është zgjedhja kryesore e Çavi Hernandezit dhe drejtori sportiv Deko është gjithashtu i interesuar për të. Megjithatë, kufiri prej 45 milionë eurosh i “blaugranave” për një lëvizje shkon shumë më poshtë se 60 milionë euro që Everton dëshiron si minimum për 22-vjeçarin.
Sipas gazetës “Sport”, ata do t’i ofrojnë Evertonit lojtarë si Ansu Fati, Klement Lenglet, Serzhinjo Dest ose Fermin Lopez. Ky i fundit ka qenë në formë të frymëzuar kohët e fundit, duke shënuar kundër Napolit dhe Atletiko Madridit në javën e tyre më të mirë të sezonit, dhe e përditshmja katalunase vazhdon të thotë se qëllimi i tij është të vazhdojë në Barcelonë nëse mund të ndodhë.
Onana ndërkohë është në dijeni të interesimit për të nga Barcelona, mes fjalëve se për të mund të lëvizin edhe Man. Junajtedi dhe Arsenali. Ai është i emocionuar nga perspektiva për të luajtur për Barcelonën, dhe ata do të jenë një nga prioritetet për të këtë verë, por ai do të shqyrtojë opsione të tjera. “Blaugranët” kanë pasur një numër lojtarësh në afatet e fundit që janë dukshëm në shitje, me prioritet që t’i largojnë ata përpara sesa t’i humb vlera. Ky duket të jetë rasti për Fatin, Destin dhe Lengletin, dhe si rezultat, Evertoni nuk ka gjasa të rrëzojë çmimin e Onanës me një shumë të konsiderueshme për ata lojtarë.