Barcelona gati të ofrojë një futbollist dhe para për yllin portugez
Barcelona thuhet se është e gatshme të përfshijë Inigo Martinezin në një marrëveshje me lojtar plus para për të blerë përfundimisht Zhoao Feliksin, i huazuar nga Atletiko Madridi. Feliks ka bindur me paraqitjet e tij të shkëlqyera për skuadrën e Çavi Hernandezit. 24-vjeçari ka shënuar nëntë gola dhe ka dhënë gjashtë asiste në 35 paraqitje këtë sezon.
Prandaj, sipas “Fichajes.net”, drejtuesit e Barcelonas janë të interesuar të blejnë sulmuesin portugez këtë verë. Ata janë të prirur t’i ofrojnë Martinezit, i cili u mor me kosto zero verën e kaluar, Atletiko Madrid-it si pjesë e një marrëveshjeje të mundshme. Martinez, i cili ka një kontratë deri në qershor 2025 me katalanasit, supozohet se është i interesuar të qëndrojë te Barcelona. Mbrojtësi 32-vjeçar ka bërë 19 paraqitje këtë sezon.
Atletiko Madrid, nga ana tjetër, besohet se dëshiron të ndahet me Feliksin në të ardhmen. Si rezultat, ata mund të jenë të hapur për të pranuar një marrëveshje të mundshme që përfshin Martinezin.
Nëse qendërmbrojtësi i Barcelonas kalon te skuadra e Diego Simeone, ai do të shfaqej si një opsion i mirë nga stoli për ta. Do të ofronte konkurrencë për Stefan Saviçit, Mario Hermosos, Hoze Himenezit dhe Aksel Vitsellit.