“Bëhen matje nga mjetet toksike në ajrin e Shkupit” – Prokuroria nis hetimin për zjarrin në deponinë në Vizbeg, dyshohet që shkaktua nga materie të rrezikshme
Prokuroria Publike Themelore ka njoftuar se PPTh Shkup ka dhënë urdhër për testimin e pasojave të zjarrit që ndodhi më 9 korrik në deponinë në Vizbeg, kurse në procedurë parahetimore janë përfshirë persona profesionalë nga më shumë fusha, përcjell TV21.
Siç thuhet në njoftimin e PPTh-së, hetohen dyshimet për eventualisht veprën penale dhe dëmtim të mjedisit jetësor me materie të rrezikshme.
“Vendi është siguruar, kurse në terren janë inspektorët nga departamenti për krim ekonomik të MPB-së. Janë siguruar video-incizime i cili shikohet dhe analizohet. Kontroll kanë kryer edhe shërbimet inspektuese për mjedis jetësor, kurse në procedurë janë angazhuar edhe persona për ekspertizë nga fusha e ekologjisë. Me kërkesë të prokurorit publik, menjëherë pas ngjarjes është aktivizuar edhe ekipi për mbrojtje atomike biologjike dhe kimike i Armatës, i cili ka grumbulluar mostra dhe ka kryer matje nga mjetet toksike në ajrin e Shkupit, kurse rezultatet do të dorëzohen në Prokurori”, thuhet në njoftim.
Gjithashtu thuhet se është grumbulluar edhe dokumentacioni për punën e deponisë.
