“Bild”, “arsyeton” fitoren e lartë të Bajernit ndaj Dinamo Zagrebit
Prestigjiozja gjermane “Bild” duket se e ka gjetur një shpjegim edhe lidhur me këtë goleadë të Bajern Munihut ndaj Dinamo Zagrebit (9-2). Sipas tyre formula e re e Ligës së Kampionëve e motivon realizimin e sa më shumë golave nga çdo skuadër që synon kalimin për në fazën tjetër.
Kështu sipas gjermanes “Bild” nëse dikur në fazën e grupeve, kur dy skuadra dilnin baraz me pikë, influenconte rezultati i dy ndeshjeve direkte mes tyre, kësaj rradhe duke mos patur ndeshje kthimi dhe ndeshje brenda të njëjtit grup, në renditjen përfundimtare të skuadrave pas 8 javëve, nëse dy skuadra dalin me pikë të barabarta, do të kalojë më tej ekipi që ka golavarazhin më të mirë.
Në këtë mënyrë për “Bild” në këtë format të ri të Ligës së Kampionëve , çdo gol ka vlerë dhe si i tillë Baiernit ndaj Dinamos së Zagrebit nuk bëri gjë tjetër vetëm se sa respektoi kompeticionin dhe objektivin për të siguruar sa më parë kualifikimin për më tej.
