Blerant Ramadani: Banorët e Arnaqisë dhanë mesazh për bashkim dhe zhvillim
Kandidati për Komunën e Sarajit nga koalicioni Aleanca Kombëtare për Integrim, Blerant Ramadani, ka marrë mbështetje të fuqishme nga banorët e Arnaqisë së Epërme dhe të Poshtme. Në takim me qytetarët, ku ishte i pranishëm edhe kryetari Iljas Veseli, u dha një mesazh i qartë për unitet dhe vendosmëri në rrugën e fitores.
Ramadani u shpreh se fjala dhe besimi i qytetarëve janë garancia më e madhe për të vazhduar misionin: “Rruga jonë është e drejtë – rruga e bashkimit, rruga e shërbimit, rruga e fitores”. Ai theksoi se koalicioni është i vendosur ta ngrejë Sarajin në nivelin që e meriton – një komunë moderne, krenare dhe me vizion fitues.
“Me banorë të tillë që e duan vendin dhe e respektojnë traditën, ne jemi të bindur se Saraji do të bëhet shembull zhvillimi dhe integrimi,” – tha Ramadani, duke përmbyllur takimin mes entuziazmit dhe mbështetjes masive të qytetarëve.
