Blerant Ramadani takon profesorin veteran të arsimit shqip Avzi Mustafa
Kandidati për Komunën e Sarajit, Blerant Ramadani, është pritur nga profesori i njohur dhe veprimtari i arsimit shqip, Avzi Mustafa.
Gjatë takimit, profesori Mustafa e uroi Ramadanin për kandidaturën e tij dhe i dhuroi dy nga veprat e tij madhore:
* “Leksion i pishtarëve të Arsimit shqip në Maqedoni 1941-1971”
* “Gjurmë ndër vite”
Në këto libra pasqyrohet sakrifica e brezave që kontribuuan në mbajtjen gjallë të arsimit shqip. Profesori Mustafa i përcolli Ramadanit një mesazh domethënës:
“Lavdi për punën vetmohuese të pishtarëve të arsimit shqip në Maqedoni! Unë e fillova aty ku e gjeta, e ju vazhdoni aty ku unë e lash.”
Ramadani e cilësoi këtë uratë si një thirrje për përgjegjësi dhe vazhdimësi, duke theksuar rëndësinë e vijimit të rrugës së arsimit dhe dinjitetit kombëtar nga gjeneratat e reja.
“Rruga e dijes është rruga e lirisë dhe e barazisë. Ne nuk guxojmë të ndalemi,” u shpreh kandidati për Sarajin
