Buzëqesh Bajern Munihu, rikthehen dy lojtarë titullar në stërvitje

Skuadra e Bajern Munihut, ka zhvilluar seancën e parë stërvitore para ndeshjes së fundjavës ndaj Bajer Leverkuzenit.

Në ekipin e Tomas Tushellit janë rikthyer dy lojtarë nga lëndimi. Bëhet fjalë për Xhoshua Kimih dhe Dajot Upamekano. Kjo dyshe u stërvitë me kampionët gjerman në këtë mëngjes.

Në anën tjetër, mësohet se Manuel Nojer dhe Brajan Saragosa pushuan sot, për shkak të disa problemeve shëndetësore. Kujtojmë që ndeshja ndaj Leverkuzenit që parashihet të jetë “finale”, zhvillohet të shtunën në orën 18.30./Indeksonline/