Çavi Hernandez: Reali është më i mirë se vitin e kaluar, janë super skuadër

Trajneri i Barcelonës, Çavi Hernandez nuk ka ngurruar ta lavdëroj rivalin e tyre të përjetshëm, Real Madridin, përpara “El Clasico”-s së parë të sezonit, por ka shtuar se ekipi i tij do tentojë ta fitojë Superkupën e Spanjës. Fitorja 2-0 e Barcelonës ndaj Osasuna ka krijuar një “Super El Clasico” në Superkupën e Spanjës, e cila do të zhvillohet të dielën, me Real Madridin që ka kaluar gjithashtu në finale pas një fitoreje 5-3 ndaj Atletiko Madrid, 24 orë më parë në Riad.

Do të jetë viti i dytë radhazi që Barcelona dhe Real Madrid do të përballen në finale të kësaj gare. Janarin e kaluar ishin katalanasit ata që dolën fitues, duke fituar 3-1 me atë rast. Megjithatë, duhet të jetë një ndeshje shumë e ndryshme këtë herë – të paktën kështu ka thënë trajneri i Barcelonës, Çavi.

“Real Madridi është më i mirë se vitin e kaluar. Ata janë një superskuadër, por ne do të përpiqemi t’i dominojmë ata dhe të luajmë me ta në baza një me një. Nuk do të ndryshojmë shumë dhe jemi shumë të motivuar”, ka thënë fillimisht Çavi.

“Kam besim se do të fitoj për shkak të mënyrës sonë të lojës, metodologjisë sonë dhe mënyrës sonë të konkurrimit kundër Real Madridit. E bëmë këtu vitin e kaluar dhe e bëmë në “El Clasico” më herët këtë sezon deri në minutën e 60-të. Këtu duhet të shkojë loja, për ta dominuar dhe për t’u larguar më shumë. Le të shihet ADN-ja jonë më shumë se kurrë. Jemi shumë të motivuar dhe është koha për të treguar lojën tonë të mirë”, përfundoi trajneri i Barçës.

Cilido qoftë rezultati të dielën, duhet të jetë një rast i shkëlqyer, pavarësisht se ndeshja nuk është në Spanjë. Barcelona është shumë e motivuar për hakmarrje ndaj Real Madridit, megjithëse “Los Blancos” do të jenë po aq të gatshëm për të, pasi të dyja skuadrat synojnë trofeun e tyre të parë të sezonit.