Çfarë ndryshimesh priten në vjeshtë në Gjermani?
Bahri Cani
Gjermaninë e presin reforma të mëdha këtë vjeshtë – kështu tha në Bundestag këtë të mërkurë, (17.09.) Kancelari Friedrich Merz. Ai e paraqiti veten si Kancelar-reformist dhe po përpiqet të përgatisë gjermanët për reforma të mëdha në muajt e ardhshëm.
“Vendi ynë ndodhet para vendimeve të rëndësishme këtë vjeshtë”, tha Merz. Sipas tij “është e rëndësishme, të marrim rrugën e duhur në këtë moment historik”.
Kjo ka të bëjë, sipas Merzit, “me të ardhmen e vendit – si jetojmë, si jetojmë me njëri-tjetrin, si punojmë, si bëjmë biznes”, ka të bëjë me “vlrat tona”. Ndërsa vendimet e ardhshme nuk kanë të bëjnë me detaje, por me çështje shumë themelore.
Merz tha se po kërcënohet liria, se qytetarët po ndiejnë në rritje të pasigurisë, modeli u deritanishëm ekonomik gjerman është nën presion nga “një proteksionizëm i ri i drejtuar kundër tregtisë së lirë dhe tregjeve të hapura”.
Mertz tha se do të ketë reforma të thella në sistemin e pensioneve, në sistemet sociale, ndarja në politikë të brendshme dhe të jashtme është e vjetëruar…
Merz tha se lufta në Ukrainë duhet të përfundojë. Por nuk pritet të përfundojë shpejt dhe nuk duhet të përfundojë me cënimin e sovranitetit politik dhe integritetit territorial të Ukrainës.
Ndryshe Putini “do të kërkonte objektivin e tij të radhës – Putini ka kohë që po teston kufijtë”.
“Putini saboton, spiunon, vret, përpiqet të krijojë pasiguri”, tha ai, e këtë dëshmojnë rastet në Poloni, Rumani, Estoni…
Merz zu kritikua nga partitë në opozitë. Alice Weidel e AfD tha se Merzi po shkel premtimet dhe “po nxitë luftë” në Ukrainë. Ndryshe nga herat e tjera, Merz nuk i hyri debatit me Weidel fare.
Kritika pati edhe nga të Gjelbrit dhe e Majta, por fakt është: Merz ka paralajmëruar ndryshime të mëdha në vjeshtë. Sa do t’i realizojë, mbetet të shihet.
