De Zerbi nuk rinovon me Brajtonin, drejtuesit e Liverpullit i besojnë italianit
Roberto De Zerbi pritet të lëvize nga Brajtoni në fundin e sezonit. Emri i teknikut italian është i lidhur me klube si Liverpulli, Bajern Munihu apo Barcelona, që sezonin e ardhshëm do të kenë timonierë të rinj. Nga Anglia raportojnë se 44-vjeçari nga Bresha, cilësohet si zëvendësuesi perfekt i Jyrgen Klopit nga drejtuesit e Liverpullit. Teksa ka pëlqim të madh edhe nga bavarezët e Bajernit.
De Zerbi është gati të hedhë hapin e madh në karrierë, ndërkohë që përpara duelit me Liverpullin, që mund të jetë skuadra e tij e ardhshme, ai e sqaroi situatwn aktuale.
“Për momentin nuk mendoj të firmos një kontratë të re me Brajtonin, nuk besoj se do të rinovoj. Kam biseduar me drejtuesit, por nuk kemi arritur një marrëveshje”.
Fjalë lamtumirë nga skuadra angleze, por jo nga Premier Liga. Bajerni e tundon shumë, por italiani preferon të mbetet në ishull dhe të marrë drejtimin e Liverpullit.
Gjithsesi, ditët e ardhshme do të zbulojnë më shumë rreth së ardhmes së De Zerbit, i cili shpreson të vijojë karrierën në “Anfield”.