Diell dhe vapë gjatë ditës, pasdite reshje të rrëmbyeshme dhe bubullima

Moti në Maqedoninë e Veriut sot do të jetë kryesisht me diell dhe i nxehtë, me vranësira të lehta deri mesatare gjatë ditës. Do të fryjë erë e lehtë deri mesatare nga drejtimi verior.

Në orët e pasdites pritet jostabilitet lokal, i shoqëruar me reshje të rrëmbyeshme shiu, bubullima, erëra të forta dhe stuhi afatshkurtra. Në disa zona ekziston mundësia edhe për paraqitje të breshërit.

Temperaturat minimale do të lëvizin nga 12 deri në 22 gradë Celsius, ndërsa ato maksimale do të arrijnë nga 30 deri në 38 gradë.

Në Shkup moti do të jetë me diell dhe i ngrohtë, me vranësira të lehta deri mesatare. Temperatura minimale do të jetë 17 gradë Celsius, ndërsa ajo maksimale do të arrijë në 35 gradë.