Dy befasi te femrat, Paolini dhe Andreeva takohen në gjysmëfinale
Janë mbyllur ndeshjet çerekfinale të grand slam-it të Roland Garros, duke përcaktuar tenistët më të mirë që shkojnë në gjysmëfinale. Te femrat, surprizë fitorja e tenistes italiane Jasmine Paolini, që për herë të parë në karrierë shkon në gjysmëfinalen e një turneu të madh. Ajo mundi 2-1 (6-2, 4-6, 6-4) kazaken Elena Ribakina, numrin 4 në botë.
Surpriza më e madhe ishte eliminimi i numrit 2 në botë, bjelloruses Arina Sabalenka, që u mund 2-1 (6-7, 6-4, 6-4) nga rusja Mirra Andreeva. Bjellorusja ishte favorite, por është dorëzuar ndaj rivales ruse, që fitoi me përmbysje.
Ndërkohë te meshkujt, Kasper Ruud avancon pa luajtur pas tërheqjes së Novak Gjokoviçit, i dëmtuar. Përballë norvegjezit, në gjysmëfinale do të jetë tenisti gjerman Aleksander Zverev. Numri 4 në botë mundi 3-0 (6-4, 7-6, 6-4) australianin Aleks de Minaur. Gjysmëfinalja tjetër është ajo mes Janik Siner dhe Karlos Alkaraz.
Gjysmëfinale-Femra
Iga Sviatek – Kori Gauf
Jasmine Paolini – Mirra Andreeva
Gjysmëfinale-Meshkuj
Janik Siner – Karlos Alkaraz
Kasper Rud – Aleksander Zverev
