E pazakontë: Filmohen disa ujqër të bardhë në Kosovë

Një fenomen i pazakontë i botës së egër në Kosovë është kapur së fundmi nga disa kamera kurth në rajonin e Gollakut.

Bëhet fjalë për pranin e ujqërve të bardhë në trojet tona, dukuri kjo goxha e pazakontë.

Në kamerat kurth të fotografit të botës së egër, Arian Mavriqi këta ujqër të bardhë u panë teksa ushqeheshin. Pranë tyre shihen edhe ujqër të tjerë me ngjyrë të hirtë, tipik për rajonin e Kosovës dhe të Ballkanit.

Në anën tjetër, ujqërit e bardhë kryesisht banojnë në viset e mbuluara me borë gjatë të gjitha stinëve.