Edhe sot e kësaj dite, fanella e Mesit është e treta më e shitur në Barcelonë
Vetëm dy lojtarë të Barcelonës po shesin më shumë fanella për gjigantin katalanas këtë sezon sesa Lionel Mesi. Edhe pse shumë e konsiderojnë lojtarin më të mirë në historinë e futbollit që është larguar nga Camp Nou në vitin 2021, ai mbetet një magnet i madh turistik në qytetin në bregun verilindor të Spanjës.
Duke qenë se lojtari 37-vjeçar nuk është më anëtar i klubit, Barça i ndalohet të shesë fanella me emrin e tij në dyqanin e tifozëve.
Megjithatë, tifozët besnikë dhe vizitorët kanë gjetur një mënyrë për ta kapërcyer atë pengesë. Blejnë fanella pa përmbajtje në anën e pasme, pastaj paguajnë ekstra për personalizimin dhe gdhendjen e mbiemrit të Messit dhe numrin legjendar 10, shkruan gazeta spanjolle “AS”.
Kjo praktikë është aq e zakonshme sa që vetëm mbiemrat e dy lojtarëve shfaqen në këmisha në dyqanet e klubeve më shpesh sesa të argjentinasit: Lamine Jamal dhe Robert Levandovski.
