EKSKLUZIVE: Dokumenti i rrallë i Hashim Thaçit del në dritë në Fakultetin Filozofik! (FOTO)
Në kuadër të ekspozitës “Përpjekje”, e hapur sot në hapësirat e Fakultetit Filozofik të Universitetit të Prishtinës, u prezantua edhe indeksi i ish-presidentit Hashim Thaçi, si një nga dokumentet me vlerë historike dhe simbolike, përcjell INA.
Thaçi ka qenë student i Departamentit të Historisë, ku gjatë viteve të studimeve ka mbajtur edhe pozitën e Prorektorit Studentor, duke u angazhuar në jetën akademike dhe organizative të universitetit. Indeksi i ish-presidentit Thaçi është ruajtur nga historiani Selim Daci dhe ai publikohet për herë të parë.
Ekspozita “Përpjekje”, e realizuar nga Arsim Sinani, Durim Abdullahu dhe Oktaj Hasani, është pjesë e shënimeve për 65-vjetorin e themelimit të Fakultetit Filozofik, dhe synon të risjellë kujtesën mbi rolin formues të këtij institucioni në ndërtimin e elitës intelektuale dhe politike shqiptare.(INA)
