Eurofarm Pelisteri ishte afër befasisë në Paris
Kampioni i Maqedonisë së Veriut, Eurofarm Pelisteri, e nisi me disfatë aventurën e re në Ligën e Kampionëve (Grupi A), pasi pësoi humbje me rezultat 31:29 nga PSZH, e cila nuk lejoi befasi si vendase. Pjesa e parë mbyllet me rezultat 18:13 për skuadrën franceze dhe rezultati 25:17 ishte në minutën e 40-të, pothuajse ishte e qartë se fitorja ishte në duart e PSZH-së.
Mirëpo fundi i takimit gati solli befasinë. PSZH u relaksua shumë në pjesën e fundit, kështu që Eurofarm Pelisteri ngushtoi rezultatin në 28:26. Në kampin e Eurofarm Pelisterit kishte shpresa për të paktën një pikë kur Manaskov shënoi për 30:29, por eksperienca në momentet kyçe bëri të vetën dhe fituan me meritë parisienët.
Te Pelisteri u dalluan Filip Kuzmanovski me tetë gola dhe Zharko Peshevski dhe Nejc Çehte me nga gjashtë gola, ndërsa te PSZH u dallua Kamil Szypzak me 11 gola.
