Familja dhe miqtë në zi: Ndërron jetë papritur Agron Saliu, Faton Ahmeti ngushëllon familjen!
Me pikëllim të thellë njoftohet vdekja e Agron Saliut (41), punonjës në Gjykatën Themelore të Tetovës, i cili ndërroi jetë dje papritur në plazhin e Shkëmbit të Kavajës, ku ndodhej për pushime me familjen e tij. Lajmi ka shokuar familjarët dhe miqtë, pasi i ndjeri nuk vuante nga ndonjë sëmundje kronike.
Faton Ahmeti, sekretar i përgjithshëm i BDI-së, deklaroi:
“Me pikëllim të thellë morëm lajmin e hidhur për ndarjen nga jeta të anëtarit tonë, Agron Saliu, në moshën 41-vjeçare. Agroni do të mbahet mend për përkushtimin, sinqeritetin dhe dashurinë që tregonte ndaj njerëzve dhe punës që bënte. Ngushëllimet më të sinqerta familjes, miqve dhe të gjithë të afërmve në këtë ditë të rëndë. Qoftë i përjetshëm kujtimi i tij.”
Sipas dëshmitarëve për mediat në Shqipëri, tetovari kishte nevojë urgjente për ndihmë:
“Banorët dhe turistët e pranishëm në vendngjarje e sollën dy herë në jetë, derisa erdhi ambulanca.”
Fatkeqësisht, ambulanca mbërriti pas më shumë se një ore, kur ishte tepër vonë për jetën e Agronit.
Ai la pas bashkëshorten dhe dy vajza. Ceremonia e varrimit pritet të zhvillohet sot në Tetovë. Flaka Media
