Faton Ahmeti: Fjala e lirë nuk shantazhohet, nuk kërcënohet dhe nuk shuhet!
Faton Ahmeti nga BDI ka dalë në përkrahje të portalit “Tetova Sot”, pasi siç thotë, fjala e lirë nuk shantazhohet, nuk kërcënohet dhe nuk shuhet.
“Liria e medias është liria jonë!
Sot, kur mbi portalin “Tetova Sot” ushtrohet presion e tentim për ta heshtur, ne duhet të jemi të gjithë në një zë: Fjala e lirë nuk shantazhohet, nuk kërcënohet dhe nuk shuhet!
Tetova ka traditë të gjatë të rezistencës dhe guximit, dhe sot ky guxim shprehet përmes mbrojtjes së gazetarisë së pavarur.
Ne qëndrojmë përkrah gazetarëve dhe redaksisë së “Tetova Sot”, duke mbrojtur të drejtën e tyre për të informuar pa frikë dhe pa presion.
Sepse në fund, sulmi mbi një medium të lirë është sulm mbi të gjithë qytetarët”, shkruan Ahmeti.
Ndaj rastit të Tetova Sot ka reaguar dhe deputetja e BDI-së, Rina Ajdari, njofton Top24
Ajo ka vlerësuar se beteja me mediat, është betejë e humbur.
“Ende diskutohet liria e mediave?! Nuk ka demokraci pa respektimin e fjalës së lirë. Dhe ne të gjithë duhet të jemi qytetarë të lirë e jo robër të propagandës. Përndryshe, çdo betejë e filluar me gazetarët dhe mediat është e humbur që në fillim.”, tha Ajdari. Flaka Media
