![Faturat për energjinë elektrike, 30 qytetarë kanë dorëzuar ankesa](https://shprehja.com/wp-content/uploads/2024/02/EVN-Maqedoni.png)
Faturat për energjinë elektrike, 30 qytetarë kanë dorëzuar ankesa
Komisioni Rregullator për Energjetikë deri më tani ka marrë rreth 30 ankesa sa i përket shumës së faturave të energjisë elektrike dhe ky numër nuk devijon nga numri i ankesave që marrim zakonisht në një periudhë kur ka çmim të ri, tha kryetari i KRRE-së Marko Bislimoski.
Ai në intervistë për “Deutsche Welle” tha se qytetarët duhet ta shfrytëzojnë mundësinë e vetëleximit të njehsorëve.
“Qytetarët duhet ta shfrytëzojnë mundësinë për ti lexuar vetë. Ne e prezantuam atë disa vite më parë. Ajo gjendje e njehsorit që do të raportojë qytetari është e detyrueshme që EVN ta zbatojë në faturat e tyre”, tha Bislimoski.
Sipas Rregullave për trajtimin e kundërshtimeve dhe zgjidhjen e mosmarrëveshjeve, konsumatorët nëse janë të pakënaqur me furnizuesin ,shumën e faturës apo cilësinë e shërbimit, fillimisht duhet të kontaktojnë EVN-në, e më pas nëse refuzohen duhet të paraqesin kundërshtim tek KRRE.