FFK prezanton “prurjet” e reja te përfaqësuesja e futbollit
Përfaqësuesja e Kosovës në futboll, do të zhvillojë dy ndeshje gjatë muajit shtator, në kuadër të Ligës së Kombeve. Në listën prej 25 lojtarëve të ftuar nga Franko Foda, janë tre emra të rinj, që janë prezantuar nga Federata Futbollistik e Kosovës. Elvis Rexhbeçaj, Fisnik Asllani e Eliot Bujupi, janë emra të rinj të Kosova.
“Unë jam Elvis Rexhbeçaj, lojtari i ri i Kosovës. Forca Kosova,” e nisi ylli i Augsburgut.
“Unë jam Fisnik Asllani, lojtari më i ri i Kombëtares së Kosovës. Krenari me përfaqësu Kosovën. Djemtë dhe stafi në përgjithësi më kanë pritë shumë mirë. Forca Kosova,” e vazhdoi Asllani.
Teksa Bujupi tha: “Unë jam Eliot Bujupi, lojtari i ri i Kosovës. Mezi s’kam prit me vesh fanellën e Kosovës. Forca Kosova.”
Rexhbeçaj, 26-vjeçar, luan te Augsburg në Bundesligën e Gjermanisë, ku e ka nisur shumë mirë, ku edhe ka shënuar një gol të jashtëzakonshëm.
Asllani, 22-vjeçar, luan te Elversberg, i huazuar nga Hofenheim, ka treguar formë të lartë në këtë fillim në Bundesliga 2.
Bujupi, 18-vjeçar, luan te Stuttgart U19, ku ka shënuar tetë gola në katër paraqitjet e para këtë sezon, teksa vjen edhe pas paraqitjeve të mira me Kombëtaren e Kosovës U19.
Kujtojmë se “Dardanët” fillimisht do të përballen me Rumaninë më 6 shtator në Fadil Vokrri, teksa tre ditë më vonë udhëtojnë në Larnaca, për t’u përballur me Qipron./Nacionale/
