Gjashtë rrugë të reja do të asfaltohen në Haraçinë, Grushinë dhe Orllancë

Haraçinë, 14 korrik 2025 – Komuna e Haraçinës ka njoftuar për fillimin e një projekti të rëndësishëm infrastrukturore, që parasheh asfaltimin e gjashtë rrugëve të reja në vendbanimet Haraçinë, Grushinë dhe Orllancë.

Kryetari i Komunës, Ridvan Ibrahimi, përmes një postimi në rrjete sociale theksoi se ky investim do të ndikojë drejtpërdrejt në përmirësimin e kushteve të jetesës, rritjen e sigurisë dhe zhvillimin ekonomik të zonës.

“Investimi në infrastrukturë është investim në zhvillim, siguri dhe mirëqenie për çdo familje. Punë konkrete, jo vetëm fjalë,” ka deklaruar Ibrahimi. (INA)