![Granit Xhaka shënon gol, Bajer Leverkuzeni më afër titullit kampion](https://shprehja.com/wp-content/uploads/2024/02/1708814310_Jonathan-Tah-and-Leverkusens-Granit-Xhaka-top-celebrate-after-the-German-soccer-cup-quarterfinal-match-between-Bayer-04-Leverkusen-and-VfB-Stuttgart-scaled-850x560.jpg)
Granit Xhaka shënon gol, Bajer Leverkuzeni më afër titullit kampion
Bajer Leverkuzeni ka fituar me rezultat të ngushtë 2-1 ndaj Mainzit në kuadër të xhiros së 23-të në elitën e futbollit gjerman. Gjurmë në këtë takim la edhe mesfushori shqiptar Granit Xhaka, i cili me një gol të jashtëzakonshëm i dha epërsinë Leverkuzenit.
Po zhvillohej minuta e tretë e takimit, kur Xhaka shfrytëzoi një top të kthyer nga mbrojtja kundërshtare duke shënuar një gol i cili e la ‘të fjetur’ portierin kundërshtar. Për këtë gol dhe performancën e tij në përgjithësi, Xhaka u vlerësua me notën 8.0 nga SofaScore.
Xhaka përveç golit, pati edhe dy pasime kyçe, katër duele të fituara dhe dy faulla të shkaktuar ndaj tij. Vlen të theksohet edhe saktësia e lartë në pasime, pasi Xhaka kompletoi plotë 102 pasime me një saktësi jashtëzakonisht të madhe prej 92 për qind. 31-vjeçari do të shpresojë të vazhdojë me paraqitje të tilla edhe në javën e ardhshme kur Leverkuseni do të jetë mysafir i Kellnit.