Gruaja e George Clooney-t, Amal është një nga njerëzit kyç në lëshimin e urdhër-arrestit për Netanyahun
AA
Gjyqtarët e Gjykatës Ndërkombëtare Penale (ICC) lëshuan të enjten urdhra arresti për kryeministrin izraelit Benjamin Netanyahu, si dhe për ish-ministrin e tij të Mbrojtjes Yoav Gallant dhe komandantin ushtarak të Hamasit.
Ata akuzohen për krime lufte dhe krime kundër njerëzimit gjatë luftës mes Izraelit dhe Hamasit.
Në muajin maj, u raportua se Amal Clooney, gruaja e aktorit George Clooney ishte në panelin e ekspertëve ligjorë ndërkombëtarë, të cilët rekomanduan kërkimin e urdhër-arrestit për kryeministrin izraelit Benjamin Netanyahu dhe udhëheqës të tjerë izraelitë dhe të Hamasit.
Amal e cila është avokate e të drejtave të njeriut, shkroi në uebfaqen e Clooney Foundation for Justice kërkesën për të asistuar në vlerësimin e provave për krime të dyshuara të luftës dhe krimit kundër njerëzimit në Izrael dhe Gaza.
Ajo dhe ekspertë të tjerë të së drejtës ndërkombëtare ranë dakord njëzëri të rekomandojnë që kryeprokurori i Gjykatës Penale Ndërkombëtare (ICC) Karim Khan të lëshojë urdhër-arrestet.
Khan ka pretenduar se Netanyahu, ministri izraelit i mbrojtjes Yoav Gallant dhe liderët e Hamasit, Yahya Sinwar, Mohammed Deif dhe Ismail Haniyeh ishin përgjegjës për krimet e luftës në Gaza dhe Izrael.
Tani, më 21 nëntor, Gjykata Ndërkombëtare Penale (ICC) lëshoi zyrtarisht këto urdhër-arreste për Netanyahun, si dhe për ish-ministrin e tij të Mbrojtjes Yoav Gallant dhe komandantin ushtarak të Hamasit.
Bujar Osmani: Asnjëherë më parë nuk kemi qenë
Kandidati i AKI-së për Komunën e Çairit, Bujar Osmani, ka zhvilluar aktivitet me banorët në këshillin vendor “Faik Konica” në
Dëshmia e James Rubin: Hashim Thaçin e mbrojti
Shkruan: Kimete Berisha Dëshmia e James Rubin: Hashim Thaçin e mbrojti nga UÇK-ja! – James Rubin, në dëshminë e tij,
Axha Irfan – burrë dhe tribun popullor
Nga Arsim Sinani Nga viti 1968 e deri në vitin 2025, kur kaloi në amshim, Axha Irfan Vlashi ka punuar,
