Guardiola: S’ka faj vetëm Erling Halland, por të gjithë ne
Pep Guardiola, trajneri i Man. Sitit, përsëriti se sulmuesi Erling Haaland nuk është i vetmi fajtor për formën e dobët të Man. Sitit.
“Ka të bëjë me ne, nuk ka të bëjë vetëm me një lojë. Kur Erling ishte kaq i frytshëm, kishte të bënte me ne, ekipin”, deklaroi trajneri i Sitit në një konferencë shtypi përpara ndeshjes së Evertonit në “Boxing Day”.
“Erling është shumë i rëndësishëm për ne dhe do të jetë kaq i rëndësishëm për ne. Ne duhet ta përdorim atë më mirë. Bëhet fjalë për ne, për të gjithë. Djemtë po vrapojnë më shumë se kurrë. Shumë detaje të vogla dhe detaje të mëdha na bëjnë të mos jemi aq të mirë sa ishim,” tha në fund Guardiola.
Haaland ka shënuar vetëm katër herë në 13 ndeshjet e tij të fundit në Premier Ligë, ndërsa Man Siti zbriti në vendin e shtatë në tabelë, duke pasur vetëm një fitore në tetë ndeshjet e fundit. Guardiola shpreson që ekipi i tij të kthehet sa më shpejtë në formën e mirë dhe të kthehet në garë për titull.
