Halil Geci: Derisa në LDK të jenë këto figura partia s’ecën përpara

Veprimtari Halil Geci ka reaguar ashpër ndaj gjendjes aktuale në Lidhjen Demokratike të Kosovës, duke thënë se partia nuk mund të ecë përpara sa kohë aty mbeten figura si Lutfi Haziri, Avdullah Hoti dhe të tjerë që ai i quan pjesë e linjës “iso-hashimjane”.

Sipas tij, këta drejtues e kanë shtyrë LDK-në drejt pushtetit përmes servilizmit dhe kompromiseve të dëmshme, duke e larguar nga rugovizmi. Ai paralajmëroi se partia rrezikon të degradojë në një subjekt minor, pa ndikim real.

Geci akuzoi LDK-në se po përpiqet ta rrëzojë qeverinë Kurti përmes aleancave me PDK-në dhe Listën Serbe, ndërsa u bëri thirrje elektoratit të mos lejojnë, siç tha ai, “kryetarët e degëve dhe kastën tradhtare” ta mbajnë peng partinë.

Sipas tij, shpëtimi i LDK-së mund të vijë vetëm me rikthim te rugovizmi dhe përkrahje për gjeneratat e reja, të afta për të mbrojtur interesat e Kosovës.

Shkrimi i plotë:

DERI KUT DO TË KTHJELLET LDK-ja

Unë mendoj se derisa në parti të jenë ende figura si Lutfi Haziri, Avdullah Hoti, “Gazi i Muhaxherëve” i ardhur nga Orës e Veton Surroit, së bashku me Kicen, Kucen dhe mbështetës të tjerë të linjës “iso-hashimjane”, as Kosova e as LDK nuk do të ecin përpara.

Këta njerëz e kanë kapur partinë aty ku e lanë Hashimi dhe Isa, duke e shtyrë drejt pushtetit përmes servilizmit dhe kompromiseve të dëmshme.

Ata kanë mbështetur publikisht marrëveshje kundër interesave të vendit. Shumica prej tyre kanë ngritur dorën në Kuvend për të thënë “po” ndaj tradhtisë iso-hashimjane, duke u larguar nga rugovizmi dhe duke ndjekur një “rrugë të re” të ndërtuar vetëm mbi interesa personale.

Në këtë formë, LDK rrezikon të degradojë në një parti minore, të renditur pranë grupeve të vogla politike pa ndikim real.

Sot duket se LDK është e gatshme që edhe në këtë mandat të provojë ta rrëzojë Kurtin, me qëllimin e vetëm për t’u kthyer në pushtet përmes aleancës me Listën Serbe dhe PDK-në, duke realizuar kështu tradhtitë e tyre të nënshkruara e të verifikuara në Kuvend.

Një thirrje elektoratit
Mos i lejoni të ju gënjejnë! Mos i besoni Kicave dhe Kucave. Ktheni votën te baza, mos lejoni kryetarët e degëve t’ju kushtëzojnë. Shpëtoni partinë nga kjo kastë tradhtarësh politikë, të cilët duan pushtet me çdo kusht, edhe nëse çmimi është tradhtia.

Ata janë të gatshëm të shesin interesat e Kosovës vetëm për të kënaqur “polarin dhe rrethin e ti ” dhe mbështetësit e tyre në Beograd, duke ndjekur amanetin dhe ëndrrën e kasapit të shqiptarëve, Rankoviçit.

LDK ka nevojë për një rikthim te struktura e vjetër, jo për ta kapur partinë, por për të ndihmuar të rinjtë dhe të gjithë ata që i shërbejnë rugovizmit dhe idealit të pavarësisë. Vetëm kështu mund të përzgjedhim kandidatë të rinj e potencialë ,që LDK i ka me bollëk ,të aftë për të përballuar presionin ndërkombëtar dhe për të mbrojtur interesat e vërteta të qytetarëve të Kosovës.