Hidhet shorti i “Eurovision 2024”, ja kur do të performojë Shqipëria
AA
Hidhet shorti i “Eurovision 2024”, ja kur do të performojë Shqipëria
Shorti i gjysmë-finaleve për garën e ‘Eurovision 2024’ u zhvillua të mërkurën në Malmo të Suedisë, bashkë me një ceremoni ku simboli i qytetit pritës kaloi nga nikoqirët e vitit të kaluar në Liverpool tek miqtë suedezë.
Gjysmëfinalja e parë do të mbahet më 7 maj, e dyta më 9 maj dhe finalja e madhe më 11 maj.
Farah Abadi dhe Pernilla Månsson Colt ishin prezantueset për shortin e gjysmë-finales për ‘Eurovision 2024’. Ebba Adielsson, producente ekzekutive eSVT për ESC 2024 tha: “Shorti i gjysmë-finales është një moment kyç në kalendarin vjetor të Eurovisionit dhe diçka që me të vërtetë nis këtë pranverë emocionuese ku do të festojmë muzikën në të gjitha format e saj”.
Nga shorti i hedhur rezultoi se Shqipëria do të garojë në natën e dytë gjysmëfinale të ‘Eurovision 2024’, në gjysmën e parë të shteteve garuese, të cilat janë plot 16 – pra tetë këndojnë në gjysmën e parë dhe tetë në gjysmën e dytë.
Në rastin konkret, Shqipëria ka patur “fatin e keq” që të jetë në natën ku ka më shumë shtete në konkurrim, pasi në natën e parë janë vetëm 15 shtete garuese. Shqipëria sivjet përfaqësohet në ‘Eurovision’ nga këngëtarja e njohur shqiptare, Besa Kokëdhima, me këngën “Zemrën n’dorë”.
Hoxhaj: Vendimi i Speciales e goditi Kosovën në
Deputeti i Partisë Demokratike të Kosovës, Enver Hoxhaj, ka thënë se vendimi i Gjykatës Speciale për t’i dënuar ish-krerët e
OSBE pret miratimin e institucioneve të Kosovës për
L Misioni i Organizatës për Siguri dhe Bashkëpunim në Evropë (OSBE) në Kosovë tha se është i gatshëm të mbledhë
Policia arrestoi veteranin e UÇK-së, kjo është parulla
Policia e Kosovës ka arrestuar veteranin Gëzim Kabashi, derisa i njëjti më herët ka vendosur parulla kundër Donika Gërvallës në
