Ismet Guri ikën nga arresti shtëpiak

Ish-zëvendësdrejtori i Drejtorisë së të Ardhurave Publike (DAP), Ismet Guri, i cili ndodhet në arrest shtëpiak, nuk është i kapshëm nga organet e rendit.

Gjykata më herët e liroi Gurin nga vuajtja e masës së paraburgimit efektiv për shkak të terapisë së rregullt dhe sëmundjeve që ka.

Ende nuk ka asnjë informacion zyrtar për këtë ngjarje dhe nuk dihet nëse është gjetur ish-zëvendësdrejtori i DAP, Ismet Guri apo vijojnë ende kërkimet për kapjen e tij.

Ish-zëvendësdrejtori i DAP, Ismet Guri po ndiqet penalisht për bashkim kriminal, evazion fiskal, pastrim parash dhe vjedhje të 840 mijë eurove nga drejtoria ku punonte.

Guri ishte proceduar më parë edhe në çështjen Titanik 3.