Izmaku: Lufta e UÇK-së është themeli i lirisë sonë
Deputetja dhe kandidatja për kryetare komune të Vushtrisë, Xhevahire Izmaku, ka reaguar ndaj qëndrimeve që kryetarit të sapo zgjedhur të Kuvendit Dimal Basha, duke theksuar rëndësinë historike dhe kombëtare të luftës së Ushtrisë Çlirimtare të Kosovës, duke deklaruar se ajo përbën themelin e lirisë së vendit.
“Lufta e UÇK-së është themeli i lirisë sonë dhe asnjë përpjekje për ta njollosur atë nuk do të ketë sukses,” u shpreh Izmaku, duke shtuar se çdo tentim për të relativizuar ose zbehur sakrificën e luftëtarëve është i dështuar që në nisje.
Ajo tha se kujtimi dhe respekti për dëshmorët e kombit mbetet i paprekshëm dhe se liria e Kosovës është e lidhur pazgjidhshmërisht me kontributin e UÇK-së.
