Jennifer Lopez flet për prindërit: Babai mungonte në shtëpi, nëna ishte narciste!
AA
Jennifer Lopez në dokumentarin e saj të ri “The Greatest Love Story Never Told”, ka bërë një rrëfim të rrallë për fëmijërinë e saj dhe marrëdhënien me prindërit.
Këngëtarja e “Let’s Get Loud”, e cila u rrit në Bronx me dy vëllezër e motra, pohoi se nuk kishte marrë mjaftueshëm dashuri nga prindërit e saj.
“Duke u rritur, unë gjithmonë kërkoja dikë që të më bënte të ndihesha e dashuruar. Unë isha fëmija i mesëm, jo më i vogli, jo i pari i lindur dhe ju thjesht humbisni në mes të gjithë kësaj“, thekson JLo.
Duke iu referuar prindërve të saj, Guadalupe Rodriguez dhe David Lopez , të cilët u divorcuan në vitet ’90, Lopez tha: “Ndihesha shumë e lënë pas dore nga babai im sepse ai punonte gjithmonë natën dhe pastaj flinte gjithë ditën dhe nuk ndihesha sikur kisha një lidhje të mirë me të. Nëna ime ishte narciste, në qendër të vëmendjes, personi që ishte ‘shpirti’ i festës.”.
Më tej për nënën, Jennifer Lopez tha: “Ajo është një grua jashtëzakonisht e ndërlikuar dhe mban shumë probleme përsipër, ajo donte që ne të ishim të pavarur dhe të mos mbështetemi kurrë te një mashkull. Ajo bëri atë që duhej të bënte për të mbijetuar dhe kjo e bëri atë të fortë, por gjithashtu e bëri të egër”.
Pavarësisht fëmijërisë, Jennifer Lopez tashmë është afruar më shumë me të atin, për të cilin herë pas here e ka shprehur publikisht dashurinë.
Kurti takohet me homologun kroat, e adreson vendimin
Kryeministri i Republikës së Kosovës, Albin Kurti, është takuar sot me kryeministrin kroat, Andrej Plenkovic, në margjinat e Asamblesë së
OVL-UÇK-ja apel për protesta të qeta dhe dinjitoze
Nënkryetari i Organizatës së Veteranëve të Luftës së UÇK-së, Fatmir Sopi, ka bërë thirrje për pjesëmarrje sa më masive të
Të lindur pas luftës, në ballë të protestave
Mbrëmë, 22-vjeçari Flor Rexha nga Malisheva, me flamurin me emblemën e Ushtrisë Çlirimtare të Kosovës (UÇK), po shkonte drejt sheshit
